සුවඳ පෙම් හසුන් පත්වල කවිලීව
නිබඳ කඳුළු මිමිණූ මුදු සඳපාන
ගලන දොළක මල් පෙත්තක මුදු සිහිළ
දුරක ගිහින් යළි නොයෙනා ලෙස ඈත
නිබඳ අත්බණු කන ළඟ ගී කියන
වැරදි අකුරුවල ඇමිනුණි පෙම් හීන
විපුල විසල් සෙනෙහස දෝරේ ගලන
දිනට දහස්වර හදවත කිතිකවන
වෙහෙස කුමට පබඳින්නට කවි ගීත
කෙටියෙන් කිවත් සෙනෙහස ගැඹුරුයි බෝම
අතින් අතට ගුවනින් ගෙනෙනා හීන
සිතින් සිතට දැනුණේ නෑ පෙර සේම
No comments:
Post a Comment